Ég veit ekki hverjir það eru sem hafa umboð fyrir McDonalds skyndibita á Íslandi, en ég vil þakka þeim fyrir að styrkja útsendingar á EM í knattspyrnu. Hins vegar langar mig mest til að skjóta þá fyrir hreint og beint hræðilegar auglýsingar. Ég veit ekki hvort það eru til lög, en þau ættu þá allavega að vera til, sem banna svona hrikalega leiðinlegar auglýsingar. Ég leyfi mér að fullyrða að þetta rennur ekki vel í Íslendinga. En burtséð frá því hvort það eru til lög sem banna svona leiðindi, þá finnst mér það hreint og beint hneykslanlegt ef ekki eru til lög sem skylda fyrirtæki til að nota íslensk slagorð. Fyrr má nú vera makkdónaldísering ef á eyrum fólks bylur einhver helvítis engilsaxneska í öllum auglýsingum. Ég er ekki að segja að McDonalds sé eina fyrirtækið sem þetta gerir (þó mér finnist eins og fyrirtæki hafi hingað til lagt metnað sinn í að íslenska slagorð á sem bestan hátt, sbr. Subway), en ég hef bara orðið svo var við þetta sökum mikils áhorf á fótboltann þessa dagana.
Já, það gekk ágætlega að veiða og ég beilaði á bústað. Ég er endurnærður eftir 3 daga í tærri náttúru Íslands, og góðan mat sem og sól og heitapottsafslöppun. Þessi veiðiferð var því ekki jafn spennandi og sú sem ég fór í síðast (muniði ekki? þegar ég var að reyna að veiða músina og við gistum í kofa sem var næstum fokin sökum hrikalegs óveðurs...), en sú ferð verður einmitt vonandi endurtekin í ágúst. Segi nú ekki að ég hlakki til að fara til vinnu á morgun, en ég hlakka til fótboltaæfingar í kjölfarið. Svo er Akureyrarferð með boltanum næstu helgi. Gaman að því.
Ok, ef einhver góðhjartaður getur lánað mér vídjó (sem væri þeim kostum gætt að geta tekið upp) þangað til EM er búið (4. júlí) þá má sá hinn sami endilega láta mig vita! Ég lofa að fara einstaklega vel með það, sem og eigandann um ókomna tíð.
p.s. ég hlustaði á Svarfdæla-sögu af spólu á leiðinni í veiðina. Sjíííí hvað Þorsteinn svörfuður og Klaufi og þessir gaurar voru kúl.