Já, ég sem sagt í einhverju flippi henti inn umsókn um að fá að fara í tónleikaferð sem útvarpsstöðin KissFM er að sjá um. Svo var ég bara í stífri vinnu í dag og mikið að gera þegar síminn hringir og einhver hommi segir mér að ég "hafi því miður ekki unnið ferð til Parísar að sjá Destinys Child því ég svaraði ekki í símann með réttu orði". Sem sagt, ef ég hefði verið að hlusta á KissFM þá hefði ég vitað orðið og getað unnið fría ferð til Parísar. Ég var í svona hálftíma að fatta þetta eftir að ég skellti á og síðan þá er ég búinn að vera grautfúll. Ég vona að ég nái að hætta að hugsa um þetta fyrir leikinn á morgun í Carlsberg-deildinni. Ruslana hefur að vísu ekki enn svarað en ég hugsa samt að ég spili leikinn frekar en að sjá Selmu þar sem þetta er nú bara forkeppnin.
-AÐVÖRUN! FREKAR MIKIÐ FÓTBOLTADÓT!-
Pabbi minn hefur marg sinnis reynt að segja mér að Guðjón Þórðarson sé fífl. Eða allavega að hann sé mjög tæpur gaur, ef ekki bara þöngulhaus (hvað sem það nú þýðir). Ég hef hins vegar alltaf þvertekið fyrir það en þegar ég fer að hugsa út í þetta þá sé ég að það var örugglega bara útaf því að íslenska fótboltalandsliðið gerði einu sinni jafntefli við Frakka og náðu næstum að gera aftur jafntefli við þá, og svo gerðum við líka jafntefli við Úkraínu
. Þegar ég hugsa þetta betur sé ég að þetta er kannski ekki mjög frækilegur árangur, og alls ekki nægileg rök til að þvertaka fyrir að Guðjón sé mjög tæpur gaur. Það er nefnilega nóg af rökum sem leiða að því að hann sé tæpur, t.d. að Stoke var djók, hann beit í eyrað á einhverjum gaur og strunsaði útaf KSÍ-hófinu sama ár af því að Radísubræður gerðu grín að því, og svo er hann bara algjörlega búinn að skíta í brækurnar síðustu daga varðandi þetta Keflavíkur/Notts County mál. Mig langar ekki rassgat að sjá þennan gaur taka við landsliðinu aftur eins og svo margir vilja og ég verð bara að segja að eins og svo fáránlega oft áður þá hafði pabbi rétt fyrir sér hvað varðar þennan gaur.
-HELST TIL ÓSPENNANDI FÓTBOLTADÓTI LOKIÐ-
Ég var að skutla Dagnýju og nokkrum vinkonum hennar á lokaballið áðan. Stelpuskjátan var bara orðin við skál. Sérstaklega gaman að heyra hana útskýra fyrir mér hvar fyrirpartíið væri; "Sko, þetta heitir Krókamýri", Ég: "já, ok, hvar er það?", Dagný: "uuu, sko, þú beygir til vinstri og svo beygiru aftur til vinstri...", Ég: "aha", og fór svo að leita að Krókamýri í símaskránni þrátt fyrir þessar gríðarlega góðu leiðbeiningar (fattaði reyndar svo að Bjössi býr þar þannig að ég rataði þetta alveg).
Ég lagði eitthvað próf fyrir 9.bekk í dag uppí Grafarvogi. Ég hef nú bara aldrei séð stilltari hóp. Maður fékk bara á tilfinninguna að Bjarni Ólafs væri að kenna þessu liði en þá var það bara einhver lítil og ljóshærð, saklaus þrítug stúlka. Ég gat ekki orða bundist og sagði bara "respecta woman! Þú ert greinilega góða hluti hérna". Hins vegar brá mér svolítið þegar ég sá þessa krakka og fór að hugsa til þess að þau væru á sama aldri og ég var þegar ég byrjaði í framhaldsskóla. Þau virkuðu svo ung og óundirbúin (fyrir utan einn gaur þarna sem ég hélt fyrst að væri kennarinn). Þessar pælingar fengu mig til að leiða hugann að því hvað ég hef breyst mikið í útliti, hegðun, framkomu, húmor (samt ekki), fatastíl (back in the days þá voru gallabuxur það síðasta sem ég hefði látið sjá mig í) og fleiru. Því miður hringdi bjallan áður en ég gat velt þessu betur fyrir mér en mér tókst samt að skilja að framhaldsskólaárin eru örugglega þau ár sem hafa hvað mest áhrif á þig í lífinu.
Vá, ég er svo mikið að drepa bara tímann hérna þangað til ég þarf að ná í gellurnar að það hefur tæplega nokkuð af viti komist á blað hérna.
En svona í lokin langar mig að spyrja, í hvaða sæti lendir Selma í forkeppninni á morgun? Sá eða sú sem hefur þetta rétt fær heila færslu tileinkaða sér og þar að auki litla bjórkippu (eða stóra en þá verður það líka faxe eða tuborg í dós). Hafa ber í huga að ef engin(n?) giskar á rétt sæti þá fær engin(n?) verðlaunin. Ekki má kjósa eftir að stigagjöfin í keppninni hefst. Hver ætlar svo að halda almennilegt júróvisjón-partí? Það er ömurlegt að hópurinn tvístrist eitthvað út og suður.